शुक्रबार बाट बिश्वभरि प्रदर्शनमा आउन लागेको फिल्म ‘प्रेमगीत ३’को हिन्दी संस्करण नेपालमा भोलि नलाग्ने भएको छ । फिल्मका निर्माता तथा निर्देशन सन्तोष सेनले ‘प्रेमगीत ३’को हिन्दी संस्करणआगामी सोमबारदेखि रिलिज हुने बताएका छन् । निर्माण कम्पनी आशुसेन फिल्म्सले दशैं घटस्थापनाको दिनदेखि फिल्मलाई देशव्यापी प्रदर्शनमा ल्याउने जनाएको छ ।
‘हिन्दी भर्सन विविध प्राविधिक कारणले एक-दुई दिन रिलिज गर्न नसक्ने स्थिति सिर्जना बनाइयो,’ निर्माता सन्तोष सेनले फेसबुकमा लेखेका छन्, ‘अहिलेको लागि हामी क्षमाप्रार्थी छौं ।
सञ्चार तथा सूचना प्रविधि मन्त्रालयले हिन्दी संस्करणको प्रेमगीत ३ लाई नेपाली फिल्मको मान्यता दिएपछि घटनाक्रमले नयाँ मोड लिएको हो । फिल्मको नेपाली संस्करण शुक्रबार रिलिज हुँदैछ ।
स्वर्गीय छेतेन गुरुङ र सन्तोष सेनले संयुक्तरुपमा निर्देशन रहेको फिल्ममा प्रदीप खड्का, क्रिस्टिना गुरुङ, शिव श्रेष्ठ, अनुभव रेग्मी, सम्बृद्धि शाही ठकुरी, सुनिल थापा, मनिष राउत, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, जीवन भट्टराई, योगिशा खत्री, राज थापालगायतका कलाकारको अभिनय छ ।
