आगामी शुक्रवारदेखि प्रदर्शनको तयारीमा रहेको नयाँ नेपाली सिनेमा‘गुञ्जन’ को नयाँ गीत ‘केवल तिम्रै तिर’ सार्वजनिक भएको छ । सार्वजनिक गीतमा फिल्मका मुख्य कलाकार अभिनेत्री सारा सिर्पाली र प्रितमराज सेन्चुरीलाई रोमान्टिक मुडमा देख्न सकिन्छ । निशान भट्टराई र श्रेया सोताङको स्वर, रवि मल्लको शब्द तथा कल्याण सिंहको संगीत रहेको गीतमा कोरियोग्राफी कविराज गहतराजको रहेको छ ।
अष्ट महर्जनको निर्देशन रहेको फिल्ममा सारा र प्रितमको अलवा सरोज खनाल, हिउँवाला गौतम, कविर खड्का, रोहन शाही, निरुता स्याङतान, कन्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, अमेश न्यौपाने लगायतका कलाकारको अभिनय छ ।
हिराकृष्ण शाहीको प्रस्तुति र सुनिता शाही निर्माता रहेको फिल्म ए.एच इन्टरटेन्मेन्टको ब्यानरमा निर्माण भएको हो । फिल्मको वितरण काठमाडौंमा जीजीए ग्रुप र काठमाडौं बाहिर एफडी कम्पनीले गर्दैछ ।
निर्देशक अष्ट विगत २ दशकदेखि फिल्मको द्वन्द निर्देशन गर्दै आएका फिल्मकर्मी हुन् । उनको निर्देशनमा यो डेब्यु फिल्म हो
