दीपेन्द्र के खनालको निर्देशनमा निर्माण भएको फिल्ममा ‘के घर के डेरा’को थिएट्रिकल पोस्टर सार्वजनिक गरिएको छ । सार्वजनिक दुई पोस्टरले दुई कथा भन्छन् ।
एकमा कलाकारहरु आ-आफ्नो चरित्रमा छन् र अर्कोमा विपिन र वर्षालाई अनस्क्रिन कपलको रुपमा प्रस्तुत गरिएको छ ।
महेश दवाडीको पटकथा र संवाद रहेको फिल्ममा दयाहाङ राई, सुरक्षा पन्त र आयुशीका अलावा लक्ष्मी गिरी, विपिन कार्की, वर्षा राउत, रविन्द्र झा, आशान्त शर्मा, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोशिस क्षेत्रीलगायतका कलाकारहरुको अभिनय छ ।
कार्तिक ४ देखि सार्वजनिक प्रदर्शनमा आउने फिल्ममा सिंगे लामाको कथा छ । दिर्घ गुरुङको छायांकन रहेको फिल्ममा शंकर थापा स्माइल र कोशिस क्षेत्रीको संगीत तथा दिर्घ खड्काको सम्पादन छ । ए प्लस इन्टरटेनमेन्टको व्यानरमा निर्मित फिल्मका कार्यकारी निर्माता युवराज कार्की हुन् । फिल्मको निर्मातामा शरद श्रेष्ठ, राजीब श्रेष्ठ र किरण महर्जन रहेका छ्न।
