कार्तिक ११ गतेबाट रिलिजको तयारी रहेको फिल्म ‘महापुरुष’ को ट्रेलर केन्द्र मोसन पिक्चर्सको अफिसियल युट्युबमार्फत सार्वजनिक गरिएको छ। ३ मिनेट ८ सेकेन्ड लामो ट्रेलरमा सामाजिक विषयवस्तुमा आधारित फ्यामिली ड्रामा ट्रेलरमा माया, प्रेम, विछोड, विद्रोह, असन्तुष्टि र प्राप्तिलाई देखाइएको छ ।
‘टलकजंग, टुल्के,जात्रा र जात्रै जात्रा जस्ता सफल फिल्म निर्माण गरेको षट्कोण आर्ट्सको ब्यानरमा निर्माण भएको फिल्ममा ‘महापुरुष’ मा मदनकृष्ण र हरिवंशसँगै रविन्द्र सिंह बानियाँ, गौरी मल्ल, अरुण क्षेत्री,अञ्जना बराइली,राजाराम पौडेल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, प्रज्वल लुइँटेल लगायत कलाकारको अभिनय रहेकोछ । रविन्द्र सिंह बानियाँ कार्यकारी निर्माता र म्याक्स दिपेश खत्री फिल्मका निर्माता हुन्। दीपक बज्रचार्यले छायांकन गरेको फिल्मलाई मित्रदेव गुरुङले सम्पादन गरेका छन्। फिल्ममा प्रदीप भट्टराईको लेखन तथा निर्देशन रहेको छ ।
