आगामी फागुन २५ गतेबाट प्रदर्शनमा आउने फिल्म ‘उपहार’को पहिलो गीत ‘वाह वाह वाह’लाई पचास लाख बढीले हेरेका छन् । युटुवमा अपलोड भएको करिब साढे दुई महिनामा यो गीतलाई पचास लाख बढीले हेरेका हुन् ।
बबुल गिरीको संगीत रहेको गीतमा शंकर अधिकारी घायलको शब्द छ । गीतमा गायिका एलिना चौहानले संगीतकार गिरीलाई स्वरमा साथ दिएकी छन् । ‘धोकेवाज’ गायिकको रुपमा परिचित एलिनाले उपहार बाट पाश्र्व गायनमा डेव्यु गरेकी हुन् ।
सिनेमाको यो गीतमा कलाकारहरु रेखा थापा, पूजा शर्मा, बेनिशा हमाल, मुकुन भूषाल, तेज गिरी र समर्पणजंग कार्की फिचर्ड छन् । झण्डै सत्तरी हजार लाइक आएको भिडियोमा बाइस सय बढीले प्रतिक्रिया दिएका छन्, जसमा गीत र भिडियोको प्रशंसा भएको छ ।
ज्ञानेन्द्र देउजाको निर्देशक रहेको फिल्मको अर्को गीत मुटुको चार आना सार्वजनिक तीन हप्ता अगाडी सार्वजनिक भएको छ जुन गीतको भिडियोलाई दश लाख बढीले हेरेका छन् । यो गीतलाई पनि दर्शकले मन पराएका छन् । फिल्मको चार पोस्टर माघे संघ्रान्तीमा सार्वजनिक गरिएको छ । फिल्मलाई रेखा र निर्देशक देऊजाले मिलेर निर्माण गरेका हुन् ।
