शगून ज्वेलर्स प्रिजेन्ट्स मिसेज भोग नेपाल सीजन–३ को मंगलवार मध्यराति सम्पन्न ग्राण्ड फिनालेमा नौ जना विजेताहरु घोषणा भएका छन् ।
ललितपुरको एकान्तकुनास्थित म्याजेस्टिक ग्राण्डमा हाउस अफ फेसन नेपालद्वारा आयोजित शान्त, भव्य तथा मर्यादित रुपमा सम्पन्न ग्राण्ड फिनाले समारोहबाट नौ जना विजेताहरु घोषणा गरिएको हो ।
मिसेज भोग नेपाल सीजन ३ को ग्राण्ड फिनालेमा २१ जना विवाहित महिला प्रतिस्पर्धिहरुले सहभागिता जनाएका थिए । प्रतियोगिताको प्रशिक्षणको क्रमदेखि नै सञ्चालन गरिएको मूल्यांकन प्रकृया, प्रि–जजिङ राउण्ड तथा प्रतिस्पर्धिहरुले प्राप्त गरेको प्राप्ताङ्कको आधारमा छ जना विजेता घोषणा गर्ने आयोजक संस्थाको योजना थियो ।
आयोजक संस्थाले जनाए अनुसार प्रतिस्पर्धिहरुको उत्कृष्ट प्रस्तुति, मेहनत तथा समपर्णलाई मध्यनजर तथा मूल्यांकन गर्दै प्रतिस्पर्धिहरुलाई विशेष सरप्राइज दिँदै कुल नौ जना विजेताहरु घोषणा गरिएको हो ।
उक्त सरप्राइज घोषणाले स्टेज तथा दर्शकदीर्घा दुई ठाउँमा खुशी, उत्साह तथा तालिको माहौल सिर्जना भएको थियो ।
मिसेस भोग नेपाल सीजन–३ का उपाधि विजेताहरु
मिसेस भोग नेपाल ग्राण्ड २०२६ः प्रतिक्षा थापा
मिसेस भोग नेपाल यूनिभर्स २०२६ः प्राचि तोमर
मिसेस भोग नेपाल वर्ल्ड २०२६ः किमी चौलागाई
मिसेस भोग नेपाल अर्थ २०२६ः कविता ढकाल
मिसेस भोग नेपाल ग्लोबल २०२६ः कोमल नेपाली
मिसेस भोग नेपाल टुरिजम २०२६: ऋचा रानी राम
क्लासिक मिसेस भोग नेपाल विजेता २०२६
क्लासिक मिसेस भोग नेपाल ग्राण्ड २०२६ः श्रीनु श्रेष्ठ
क्लासिक मिसेस भोग यूनिभर्स २०२६ः ज्योती कुर्मी
क्लासिक मिसेस भोग नेपाल यूनिभर्स २०२६ः सम्झना फूयाल
ग्राण्ड फिनालेका क्रममा प्रतिस्पर्धिहरुले विभिन्न सिक्वेन्सहरुमा र्याम्प वाक गर्दै विभिन्न डिजाइनहरुका सुन्दर, क्लासी तथा इलिगेन्ट पहिरनहरु प्रदर्शन गरेका थिए । ती सिक्वेन्सहरुले प्रतिस्पर्धालाई अझै गरिमामय तथा भव्य बनाएको थियो ।
कार्यक्रममा ब्राण्ड एड्भोकेटहरु श्रीजा श्रेष्ठ, गिता गुरुङ तथा डा। सुमी मल्लको उपस्थिति तथा र्याम्प वाकले यो प्रतियागिता अझै विशेष बनेको थियो । त्यस्तै, अघिल्लो सीजनका विजेताहरु सञ्जु श्रेष्ठ, रुथ सिवाकोटी तथा श्वेता बज्राचार्यको उपस्थितिले ग्राण्ड फिनाले समारोहको शोभा बढेको आयोजक संस्थाको भनाइ छ ।
ग्राण्ड फिनालेमा शोस्टपरको रुपमा एलिजे जमालीले आफ्नो शालिन तथा आत्मविश्वासी वाकमार्फत समारोहलाई थप सुन्दर तथा स्मरणीय बनाएकी थिइन् ।
समग्रमा मिसेस भोग नेपाल सीजन ३ को यो ग्राण्ड फिनाले अत्यन्त सफल, व्यवस्थित तथा स्मरणीय बनेको प्रतिस्पर्धि, निर्णायक, प्रायोजक, अतिथि तथा उपस्थित दर्शकको सकारात्मक प्रतिक्रियाबाट पुष्टि भएको आयोजक संस्थाले जनाएको छ ।
