अभिनेता सरोज खनालको डेव्यु निर्देशनमा तयार भएको फिल्म ‘बगान’ को लिरिकल गीत सार्वजनिक गरिएको छ । उडी छुनु छ आकाश’ बोलको गीत सार्वजनिक गरिएको छ। सोमबार काठमाण्डौमा एक कार्यक्रमको आयोजना गर्दै फिल्मको गीत संगै प्रदर्शन मिति समेत सार्वजनिक गरिएको छ। एकल महिलाको सन्तान प्रतिको प्रेम र एक्लोपनको कथा बोलेको फिल्म फागुन १२ गतेबाट रिलिज हुदैछ।
सार्वजनीक गीतमा सुरेश वाग्लेको शब्द, हरि लम्सालको संगीत र बानीका प्रधानको स्वर रहेको छ। गीतको लिरिकल भिडियोमा अभिनेत्री करिश्मा मान्नधर र नव नायिका प्रमिला कार्कीलाइ आमा छोरीको रुपमा प्रस्तुत गरिएको छ। सुरेश वाग्ले प्रस्तुतकर्ता रहेको फिल्मको कार्यकारी निर्माताको रुपमा विनोद मानन्धर रहेका छन्।
